سوارت القلب

سوارت القلب
اللسان الرطب
والضحكة الصافيا
لا تعجب ﻻتتعجب

اللي شك يتعب
ما يلقى م ﻻقيا
القلب يحس بالقلب
والعين عيار ما يكذب

كيف الما ف الساقيا
العقل نعما من الرب
به يتحقق المطلب
أوتحلى الحياة الراقيا

بنادم الحر مايطلب
ما يغضب ما يسب
عايش عيشا هانيا
اللي بغا الخبز الرطب

يشور ما يزرب
وتكون النار هاديا
بالمهل يوصل الركب
وتحط لمكب عل لمكب

بلا سرعة شاقيا
واللي ما شاف ماسمع
ما قرا ما كتب
جعبتو بين الناس خاويا

اللي ما عندو صحة
يتكحاز ويمشي ف الجنب
باش ما يتكركب ويتعطب
وخلي الساحة خاويا

يا جامع المال
تعيا ما تعد وتحسب
وتخزن ف خناشي الشتب
وحياتك قصيرة فانيا

الظلم محرمو الرب
والظالم غدا يتعدب
في جهنم الحرة الحامية
اللي بغا الجنة ما يكذب

ما ياكل الحقوق ما ينصب
ويطلب رحمة الله الشافيا

وتبقى سوارت القلب
اللسان لحلو الرطب
والضحكة الزينة الصافية