أروا يا السامع

أروا يا السامع وقرا
وافهم معاني الهضرة
قالو البحر يدي عوامو
والعاود إحبسو لجامو
والزمان يرشي بيامو
والقلب يتشغل بغرامو
اللي جيبو خاوي وبزطامو
يفرش لسانو وحلي كلامو

الدنيا قفال منوعة وعديدة
عاصية ومصدية وعنيدة
سوارتها اللسان الرطب
والكلمة لحلوة بالقاعدة
البسمة الموردة لفريدة
والحكمة المفندة بالفائدة

لا تراقب الناس لا تتعجب
فرق بين النحاس والذهب
اللي زرب يتعثر ويتكركب
يتلف ومشي عليه الركب

اللي ما جمع فصغرو ولم
فكبرو يقاسي الهم والغم
واللي ما صان سرو وكتم
ما يلقى فحياتو باش يحلم

اللي شمتك عطاك درس وعلمك
جمع راسك وجيبك وسد فمك
تيق ف الرب العالي اللي خلقك
طيعو يبارك ويرضيك ويرحمك
وصلي على رسول الرحمة
مفجي الكرب وشفيع الأمة